木糠布丁蛋糕(附食譜)

這款甜品不用焗,材料簡單,又不用特別器具。 而且做法容易又美味,大家不妨試試吧!

材料 (6 吋模):
瑪莉餅 150g
淡忌廉 280g
煉奶(室溫) 70g
魚膠粉 10g
熱水 60g

做法:
將瑪莉餅壓/攪碎至粉狀。
魚膠粉和熱水拌勻至魚膠粉全溶。
把煉奶和魚膠水拌勻。
淡忌廉打至6成起,拌入魚膠奶水。
倒入布丁及灑上餅碎,重覆至一層層狀。
冷凍至凝固,即可。

84 Responses to “木糠布丁蛋糕(附食譜)”

  1. LEE Says:

    我想拌入忌廉後, 留一半加入咖啡水(1茶匙咖啡粉+1茶匙水), 整成啡白相間的咖啡木糠, 唔知好唔好味 ^v^
    btw, 我有芝士木糠的食譜, 有興趣的話可以e-mail給你. (上次整時覺得好散, 切到一檯都係! 下次會小啲餅碎同分多幾層)

  2. 迪比廚房 Says:

    哈! 好提議,個味道應該唔錯, 你試左話俾我知呀!
    我會很高興能與你分享其它食譜。 如果你有些美味食譜,不妨send來同大家分享。 >v<

  3. Sandra Says:

    魚膠粉用熱水溶了加煉奶,都仲熱熱地,如果加上已打忌廉,會唔會變味?

  4. KAY Says:

    淡忌廉打起姐係打到幾多成?

  5. 迪比廚房 Says:

    To: Sandra
    通常魚膠粉用熱水溶了加煉奶後,都仲熱熱地。 但當把淡忌廉打好後,它應該也回暖了些。 如果煉奶魚膠水溫度太溫和,就不能和淡忌廉完全拌勻。

    To: Kay
    大概打至6-7成左右。

  6. Wendy Says:

    你好!! what is “瑪莉餅”?? is it McVites biscuit? 如果唔係, where can i get 瑪莉餅? thanks so much !!

  7. 迪比廚房 Says:

    瑪莉餅係Marie biscuit。 可以在超級市場餅乾部有售。

  8. MC Says:

    Hi~ 加咖啡味好似好正!
    請問可唔可以介紹下個步驟點做? 唔該晒~

  9. 迪比廚房 Says:

    用咖啡加熱水拌勻後放涼,再拌入已打好淡忌廉。

  10. DeviL Says:

    唔落魚膠粉得唔得嫁?

  11. Connie Says:

    請問以上份量係咪可以做到一個6吋模嘅蛋糕?? thx~

  12. 迪比廚房 Says:

    To: Devil
    要加魚膠粉使它凝固成布丁。

    To: Connie
    係呀!6吋模蛋糕。

  13. emily Says:

    我想試下…芝士木糠~~~可以給我食譜嗎? THX

  14. 迪比廚房 Says:

    Oh.. 我也沒有此食譜。

  15. dorothy Says:

    唔知點解我加完魚膠奶水入去d cream 之後, 起哂一舊舊, 好似豆腐渣咁, 好核突, 唔要得. 到底點解呢? 到底魚膠奶水要係咩溫度, 同埋0係咩時候落落去d cream 度呢?

    謝謝

  16. 迪比廚房 Says:

    要用手動打蛋器一路攪忌廉一路加入加魚膠奶水,它才會完全拌混。 魚膠奶水要仍然溫暖時就要加入,如果溫度太低它會容易凝固成塊狀。

  17. dorothy Says:

    我剛剛又試整, 我把魚膠奶水維持在一個非常溫暖的情況下加入,再也沒有那個情況出現了,現在放在雪櫃中冷凍,很期待! 希望成功啦! 謝謝你 :P

  18. dorothy Says:

    成功啦!谢谢你的解答!! 非常開心! 我發現現雪去冰箱先夠硬 WOR!

  19. Rainbow Says:

    我想問如果淡忌廉有380g, 咁其他o既份量係點呀??^^

  20. 迪比廚房 Says:

    你計算番個比率就可以啦!

  21. wing Says:

    我想問下倒入布丁 , 即係布丁粉還是買回來既布丁?

  22. 迪比廚房 Says:

    把它的材料跟步驟做好就成布丁,不用另加布丁粉。

  23. mann Says:

    我在超市找不到淡忌廉,哪裡可以買到?

  24. 迪比廚房 Says:

    在超巿有得賣,通常細細盒的放在雪櫃頂層。

  25. ferlycia Says:

    我有時睇木糠蛋榚冇落魚膠粉,系咪個d就會軟d
    加左既話就硬d.似一個硬蛋榚咁呢??
    同埋打至6-7成左右系點架???

  26. 迪比廚房 Says:

    如果做小杯木糠,可以不用加魚膠, 但實感好似軟雪糕。 加入魚膠後,使它有些凝固,就可以做成蛋糕樣,但實感有些似慕絲。 打至6-7成,即是由液體打至杰身,但又未完全成固體狀。

  27. jenny Says:

    我把忌廉打到6成企身,再加做好魚膠粉混煉奶,但打唔起,我是一次個加入的,是否這到出錯?謝謝解答。

  28. 迪比廚房 Says:

    把忌廉加入魚膠粉混煉奶後,把它完全拌勻即可。

  29. kit Says:

    請教一下這份量做出來的蛋糕是不是像外面賣的1.5磅份量?

  30. 迪比廚房 Says:

    是比一磅多少少啦。

  31. COEY Says:

    想問我係得魚膠片 請問要落幾多先岩ar?

  32. amy Says:

    請問要雪幾耐?

  33. Cat Says:

    pls advise where to buy 腸衣? Tks!

  34. 迪比廚房 Says:

    COEY:
    用同魚膠粉一樣份量(10g)。

    amy,
    每個雪櫃溫度也不同,應該放在雪櫃凍約4小時也可以。

    Cat,
    我之前在上環海味街買。

  35. DEBBY Says:

    Dear Debbie, My name also is Debby, This is the first time to see yr blog. 迪比廚房 for all……Surprisingly, your blog
    食譜 is really suit me….
    If you can make more 焗爐食譜, Much persons will be appreciated. Since Hong Kong is less for 焗爐食譜.

    Anyway,Nice to see your blog & will keep on support you !
    see you !

  36. Ellis Says:

    想問下60g水姐係幾多?

  37. Ling Says:

    請問第一層係落餅碎先定落左布丁先?
    之後放入上格冰箱定下隔雪?

  38. 迪比廚房 Says:

    第一層落餅碎,第二層才落布丁。 之後放入下格冷凍。

  39. samual Says:

    請問系用手動打蛋器定電動架?

  40. peggy chung Says:

    請問如果我用cream cheese又用淡忌廉的話,那麼打好了的淡忌廉應在可時放入cream cheese 才好呢?

  41. 迪比廚房 Says:

    木糠布丁蛋糕不用cream cheese, 你是否在問其他食譜

  42. sam Says:

    如果唔用瑪麗餅改用消化餅得嘛??

  43. 迪比廚房 Says:

    消化餅的味道比較濃,而且瑪麗餅可以磨得比較幼細,適合做木糠布丁

  44. yy Says:

    點為之6成

  45. Brenda Says:

    請問:
    魚膠奶水加入忌廉中,然後是否要打至”傑”身。

    另按照分量,為何不能做那麼多層的層次?我因為把魚膠奶水加入忌廉後打了
    很久都不變”傑”身,所以就咁加入餅盆中。後來,把餘的魚膠奶水和忌廉繼續打,終於成功變成傑身,但份量就變得不夠多鋪一層。

    失敗了。

    請幫忙解答。謝謝

  46. 迪比廚房 Says:

    忌廉要先稍為打起,即邊搞動邊倒魚膠奶水加入忌廉,拌至完全混合即可。
    不要太”杰”身,要稍為稀冷凍後才會滑身。
    不要加太多,薄薄一層才會有多層效果。 而且這份量只是足夠6吋模用,如果其它size焗盤就要多D份量。

  47. EE Says:

    魚膠片or 魚膠粉個英文係what? 我係加拿大揾唔到…
    我好懷念澳門D 木糠布丁, 所以好想整下….

  48. ying Says:

    我想問木糠布丁蛋糕最底層係布丁還是餅乾?

  49. 迪比廚房 Says:

    是布丁

  50. hanG Says:

    系5系一定要用瑪莉餅??唔可以用其他餅??

  51. hang Says:

    我用純忌廉500g, 4spoon糖, 125g鮮牛奶 打成cream
    但多用呢個份量唧入杯中, 味道非常好! 但時間耐, cream會開始水水地><
    有冇咩秘訣可以拎側面睇既「梅花間竹」變得分明?
    用你果份量, 但冇加到魚膠粉可5可以整到蛋糕? 我怕會脫模會散!

  52. KIKI Says:

    我想問個蛋糕雪一整日無野架可?
    同埋如果整完幾個鐘無雪住會唔會溶或者變味架?

  53. JASS Says:

    再加個餅底會唔會好奇怪

  54. 迪比廚房 Says:

    個蛋糕雪一整日無野架可?
    (答)蛋糕在雪櫃”冷藏”一整日是可以的.
    同埋如果整完幾個鐘無雪住會唔會溶或者變味架?
    (答)有可能/不能確定

  55. 迪比廚房 Says:

    瑪莉餅可以磨得碎D, 味道清D

  56. applejai Says:

    嘩正牙,今晚試整*多謝分享^^

  57. christy Says:

    忌廉用手動打蛋器ok??

  58. 迪比廚房 Says:

    可以

  59. kimi Says:

    點樣系把Cream打到6-7成?.6-7成大約系點樣?)

  60. kimi Says:

    點先可以打到d Cream 0k?
    6~7成姐系點樣?_?
    第一次整@@.好多野問,sorry~~

  61. 彤b Says:

    咁其實蛋糕最底層係落餅碎先定落左布丁先??

  62. 彤b Says:

    仲有,如果個cake一攞出黎d餅碎會唔會散曬?
    同如果切開佢又會唔會散曬?

  63. MONI Says:

    WA!今日同朋友一齊整
    全家人都話正到爆!
    多謝你份食譜(:
    會SUBSCRIBE你HAHA

  64. Chiying Says:

    把煉奶和魚膠水拌勻。
    我想問下,系等個魚膠水仲系好熱嘅時候加落煉奶度,還是等佢暖嘅時候呢?
    定系煉奶加落魚膠水度呢?

  65. 迪比廚房 Says:

    To 彤b,
    落布丁先。
    中間餅碎不加太厚就不易散。

    To MONI,
    唔洗客氣 >v<

    To Chiying
    只要能把鍊奶完全溶化,用熱或暖也可以。

  66. suki Says:

    淡忌廉係唔係液體?-__-

  67. timtim Says:

    請問呢個有幾多磅架?

  68. 迪比廚房 Says:

    淡忌廉係液體, 但要打到杰身

  69. 迪比廚房 Says:

    約1磅

  70. Inin Says:

    請問..1)瑪莉餅150G大概多少塊? 2)淡忌廉280G即是多少ML? 3)煉奶70G即是多少ML? 4)60G熱水又即是多少ML? 能不能直接告訴我,謝謝.

  71. Karen Says:

    請問下如果係7吋模,D材料既份量又係幾多呢?

  72. 迪比廚房 Says:

    加多一半份量

  73. CHIN Says:

    整6吋模但只用250g淡忌廉,足夠嗎?

  74. Inin Says:

    請問..1)瑪莉餅150G大概多少塊? 2)淡忌廉280G即是多少ML? 3)煉奶70G即是多少ML? 4)60G熱水又即是多少ML? 能不能直接告訴我,謝謝.

    plz!!

  75. 迪比廚房 Says:

    也可以,只是少了一層高度應該也不太覺。

  76. 迪比廚房 Says:

    有很多不同牌子瑪莉餅,大小也不同所以不能用多少塊作準。
    另外我很少用量杯,我只會直接把容器放在電子磅上磅。 但網上也有很多換算表計算方法,請自行搜尋。

  77. nicole Says:

    加左魚膠奶水落淡忌廉到米有水?? 會會好稀??

  78. 迪比廚房 Says:

    因為忌廉已打起及有魚膠粉,所以未冷凍前有少少稀,但冷凍後會凝固成布丁。

  79. Kon Says:

    Hello,
    請問雪凍o左之後係咪可以成估蛋糕倒出黎ga??唔會散開ga?

  80. 迪比廚房 Says:

    它是一層層疊起,所以要用甩底模蛋糕才可完整取出。

  81. Kon Says:

    T_T you know what,我放太多餅碎…所以佢地分開o左做兩層…..

  82. Berry Says:

    1)请问如果做3吋模,D材料既份量又係幾多?
    2)3吋模需要用魚膠粉吗?~

  83. yu Says:

    如果我想+d藍莓醬咁應該點做?

  84. 迪比廚房 Says:

    可以在拌入魚膠水前,把它先拌入忌廉鍊奶中。

Leave a Reply