日式芝士蛋糕是我夏天最愛整的甜品之一,因為我最愛它的清淡芝士味道及鬆軟感覺。 把它焗出即熱食,感覺十分鬆軟。把它雪凍食,感覺清淡芝士味道及清涼感覺。 雖然我最愛凍食,但往往一出爐,我也忍不住吃了一大半。
材料 (6吋模):
忌廉芝士 (室溫) 100g
鮮奶 100g
蛋黃 2隻
低筋粉 15g
粟粉 5g
蛋白 2隻
糖 34g
做法:
忌廉芝士打至滑身。
分多次拌入鮮奶再打至完全混合成芝士漿(不見芝士粒狀)。
分次拌入蛋黃,拌至滑身。
篩入麵粉及粟粉,快手拌至不見粉粒。
將蛋白打至起泡， 再分3次加入砂糖，用打蛋器打成挺身。
一半蛋白加入蛋黃漿中以切拌方法拌勻,再加入餘下蛋白拌勻 。
將蛋糕糊倒入已舖牛油紙(底及邊)的蛋糕模中。
再放蛋糕模放入注了熱水的平底金屬盤中。
用150c蒸焗約45分鐘。
焗後取出,待蛋糕完全冷卻後才脫模,即可。
註:
如芝士和奶不能拌至完全滑身。可把它先坐熱水,使其軟身後,才再拌勻。
把已混合芝士奶漿稍為冷卻,才再拌入蛋黃和粉。蛋糕焗後油份才不會沉底,較為鬆軟及美味。
如用可脫底之蛋糕模,要先用錫紙包蛋糕模底。避免水份流入蛋糕中。
唔好意思呀….我想問呢…如果我無低筋粉我用普通面粉ok ma?
會有咩問題出現ga?
也可以。但拌勻時不要太用力引到起筋。 不會有太大問題,只是個蛋糕鬆軟程度有少少分別。
咁等我試下先~~thxxxxx
忌廉芝士可用卡夫的芝士片代替，芝士片和奶混和用微波爐叮溶。
下..aster…你講真ga ?????? @O@”
是，我一向都是用芝士片，只是忌廉芝士換作芝士片，其他方法一樣。可以較容易控制芝士的濃淡
咁個比例呢?
大約3片芝士，份量和其他一樣
多謝Aster分享,大家又多一個新嘗試。 >v<
I try to make this one today,
but I don’t know why it is not 鬆軟 at all…
end up it taste like NY cheese cake @_@
What I made wrong =<
我用普通面粉 ja
應該唔會似NY cheese cake,因為它的芝士成份比例較低。
可能是拌得唔勻,使芝士沉底,形成上層軟下層實。
試咗2次都吾成功, 我真失敗!!
今天終於明白, 妳原來是用水蒸焗架!!!!!!!
Oh, 我相信你下次會成功的。
無軟law ><
Overall so creamy @_@
無冷卻到tim / 3 \~
sad
岩岩整左~
我用5吋 size ga~~
咁蛋其實係咪用1隻就ok?
我用左2隻~
好似重蛋味左D~
正常應該冷卻後會芝士味比蛋味濃,但亦可試試用1個蛋黃2個蛋白來做。
咁打完D cream cheese+milk後係咪應該放入雪櫃?
最好放入雪櫃冷凍一陣才再繼續整。
我想問呢。點解我整出黎次次個低都好似啫喱咁既。。
我好想可以快d學識。整比我女友食。。。
同埋焗佢果陣係唔係唔會發漲嫁？？
蛋白打至企身(即反轉碗也不會倒下),才快及輕手把它拌入芝士漿。 但剛出爐的蛋糕會較軟身,要冷凍後才會有質感。
我以經好努力打到d蛋白企身T.T”但係點解個底都仲係好似一大塊芝士咁。。。
我以經失敗左五次T.T
會唔會係加落盤d水唔夠熱？
如果油份沉澱在底部,也會有這現象。 可以把芝士和奶混合後,放入雪櫃20分鐘,最後才與蛋白拌勻。
要倒熱水入焗盤才可焗。
用脫脂鮮奶得唔得嫁??
我屋企冇打蛋器,用木匙”搞”cream cheese有冇問題?
我屋企冇打蛋器,用木匙”搞”軟佢得唔得?
Yo:
可以用脫脂鮮奶。
what’s up:
因為要把蛋白打成企身,所以一定要用打蛋器才可。
我手打可以打到d蛋白企身..but忌廉芝士唔用打蛋器打有冇影響?
無影響。 因為要把忌廉芝士放至全軟,所以十分容易混和。
請問你用咩奶?
盒裝鮮奶
我想問你個係6INCH 乘幾INCH架﹖
我用 6inch x 2 inch ..但係都FILL唔夠…正係滿到一半左右..
這是不會太滿的,因為蒸焗時它會膨脹至模邊。
唔知點解我最後用了一小時5分鐘個蛋糕先至熟…
每個焗爐溫度也有小小分別,所以焗製時也要自行調節。但也要注意蒸焗時加入不同溫度水,焗製時間也有不同。
咁蒸盤D水﹐ 大慨到個蛋糕邊個位﹖
因為我個蛋糕無漲起…正係膿左個面…
i got it la~~ SUPER SUCCESS!!!
THANKS SO MUCH!
有d野唔明
材料:
蛋黃 2隻
蛋白 2隻
1)分次拌入蛋黃,拌至滑身。
2)將蛋白打至起泡， 再分3次加入砂糖，用打蛋器打成挺身。
一半蛋白加入蛋黃漿中以切拌方法拌勻,再加入餘下蛋白拌勻 。
蛋白打完 邊度有蛋黃漿 可以拌勻???
之前蛋黃已加入其他野
同埋d 蛋白整完 係加返入蛋糕糊 定係點 冇講到????
呢兩個point 完全唔明
Baby,
要用粟粉呀!
Ernest,
蛋黃漿 = 蛋黃粉漿 (蛋糕糊)
粟粉同生粉係咪一樣?
面粉係咪落一湯匙?
我成功整左 好好味阿 多謝你個食譜~~
很喜歡這個蛋糕,但我發現麵粉很難與芝士漿拌勻,拌了很久還有很多粉粒…有什麼方法可以拌至不見粉粒?
先把麵粉過篩及拌勻時用手動打蛋器拌勻,就會容易混合又不見粉粒。
日本芝士蛋糕的”蒸焗”是指隔水用鑊蒸還是用電焗爐焗呢?
蒸焗是把蛋糕放在盛了水的盤上, 再放入焗爐裏
謝謝迪比
很成功及很好味喔 ^0^
點解個蛋糕面會焗到裂開?
同埋冷卻後會縮水同蛋糕面縐哂,好醜樣呀=.=||
1. 可能烤焗溫度過高了一些, 導至蛋糕面裂開
2. 讓蛋糕和蛋糕模一齊冷卻, 待蛋糕冷卻好才脫模
1. 想請問一下蒸焗所放的水係凍水定熱水阿?
2. 焗爐本身要預熱?
低筋粉 真係15g??
“打”係咪姐係用機??”拌”姐係”撈”??
thank you=)
“打”係用機動打蛋器
“拌”係用手動打蛋器
岩岩試下整.. 焗左半個鍾都唔凝固..仲好似水咁..
有咩step做錯左?
我已經包左2層錫紙,但係個蛋糕仲係濕左水,點解呢?
如果張錫紙唔夠闊包模後水份會從錫紙低位流入。
點解我個蛋糕放涼後個面縐晒
冇你整嗰個咁平滑既
你好呀!我岩岩試整左e個cake..整體都ok,但個cake縮左水..係點解呀?同埋佢入面好幾濕,成個cake軟軟的~不過好味=)(出左爐之後我等佢凍左之後先脫模,再放入雪櫃)
如果想個cake唔縮水,可以連模放入雪櫃冷凍一晚。 冷凍後要小心用刮刀把蛋糕從模取出。
請問倒蛋糕糊入模係米8成滿就得, 因為蛋糕會澎漲, 你個蛋糕係米焗完好鬆軟
係。 焗完個蛋糕係好鬆軟,但冷凍後蛋糕質感更佳。
請問可唔可以減少糖份量,如果唔夠糖個蛋白會唔會冇咁實,就發唔起個蛋糕
糖份量已十分少,再減會打唔起。
請問點解總係有裂紋同下陷???請指教, 謝謝!
爐溫過高會使它膨脹得太快,焗到中途就出現深裂紋。 可以把它放低一層或焗到中途用錫紙蓋面,但要焗多約10分鐘。