一個十分值得推介的魚仔造型燒。此模受熱程度慢,所以有足夠時間加入餡料, 而且又不易燶。 真是一個越整越開心的玩具。
材料:
低筋 100g
泡打粉 1/2茶匙
蛋 1隻
糖 15g
淡奶 40g
水 60g
油 1湯匙
雲尼娜油 適量(可不加)
餡材料:
蕃薯茸抹醬 適量
做法:
低筋、泡打粉過篩。
蛋、糖、奶打起。
粉加入蛋漿中,快手拌勻至不見粉粒。
加油入粉漿中,再拌勻。
蓋上保鮮膜,放入雪櫃2小時或以上。
魚仔模用細火燒熱,掃上適量油(材料外)。
用小匙把粉漿倒入魚仔模,至7成滿。
即放入餡,再加入粉漿至滿,把蓋合上及反轉燒另一面。
每邊大概燒1分至1分半鐘,直至兩面也金黃色。。
用2枝竹簽取出魚仔餅,即可。
小提示:
粉漿一定要夠凍,出來效果比較好。
魚仔餅熟後,放在鐵架上稍為放涼一下, 口感更好。
請問魚仔造型燒模具在那裡買?需要幾錢?
謝!
這是我是在韓國買回來的,但我曾在油麻地烘焙店一帶見過。
唔該想問:1. 呢個份量整到幾多條魚??係味約5-6吋長? 2. 有冇試過其他餡呀? 3. 隔夜再翻叮可以嗎? 因想帶給朋友, 成條煎魚咁, 好搞笑!
1. 約6條。 約5吋長。紅豆或吉士餡也十分好味。
2. 隔夜吃味道也可以,但我就無試過翻叮。
唔該想問可唔可以用呢個食譜整雞蛋仔 ???
用呢個食譜整雞蛋仔效果不會好的