Oreo芝士蛋糕 (附食譜)
今次這款芝士蛋糕,質感和味道十分配合。 真的令我一吃停不了口,所以要極力推介給大家試整。
材料(6吋圓模):
忌廉芝士 250g
糖 50g
蛋 2隻
淡忌廉 80g
Oreo曲奇 3片(切成小塊)
蛋糕底材料:
Oreo曲奇 80g (壓碎)
牛油(溶化) 30g
做法:
忌廉芝士和糖攪至滑身。
拌入淡忌廉攪至完全混合。
加入蛋,再攪至完全混合。
即把切碎曲奇拌入及攪動數下。
把蛋糕放入注了熱水的平底金屬盤中。
用175c蒸焗約45分鐘。
降溫後放入雪櫃冷凍即可。
請問怎樣’隔熱水焗’呀?唔好意思, 新手焗餅, thx
把蛋糕模放入注了熱水的平底金屬盤中蒸焗。
想問點解不用落魚膠粉,同埋係for幾寸既蛋糕模ga?
因為要焗,所以不用加魚膠粉。 用6吋圓型模。
为什么蛋糕焗出耒皮收缩纹多同时皮比较硬
谢
可能焗爐上火比較大,下次焗至中途個蛋糕面表層爆裂,可以即加張錫紙在上層來減低溫度。
請問…
把蛋糕模放入注了熱水的平底金屬盤中 <– 是什麼意思?? 這點不太明白
另外: 是否把所有材料注入”蛋糕模放入注了熱水” 中, 才去蒸焗???
我是一個新手…請多多指教!! 謝謝你呀~~而且我亦好仲意呢個cake…
先放一個大size焗盤在底層,倒熱水入焗盤,再放蛋糕模在焗盤中。 如果個蛋糕模底層不密封,要加錫紙包密,避免水份流入蛋糕。
請問通常芝士蛋糕係放雪櫃普通個層定係冰箱雪凍架?
thx!!
Sam,
通常芝士蛋糕係放雪櫃普通個層雪凍。
Mei,
如果唔做餅底也可以。 但濃味芝士蛋糕,配上餅底是較適合配搭。
請問可唔可以唔做餅底?
聖誕節假期我一定會試下整架，到時再和你分享是否成功!!
謝謝你分享這食譜…^^
我想問係咪放焗爐?
YES!
hello~Debbie~
一直都有睇你開你呢個食譜網站~覺得真係好好~好實用~唔似其他食譜網站份量賣相都好求其~3~
你專業好多~又好有創意~希望你可以繼續努力整多好野同大家分享^^
hee~我琴日整左你呢個Oreo cheese cake~屋企人同朋友都讚好~話仲好味過出邊d cafe既~真係好開心~好多謝你呀!!
不過唔知點解~d 切碎oreo會浮曬係面架呢?我已經跟足份量架啦~會唔會係雞蛋既大細影響?如果雞蛋太大隻搞到d混合物稀得際~所以oreo先浮面?
我通常用55~60g (連殼計) 的雞蛋
如果OREO切得太碎會有可能浮面, 我通常一片切成六片.
昨天我整了這個蛋糕了，個個都讚好，謝謝你呀!!^^
想問下,如果我整8吋,是否材料 x 2, 及怎樣才知道熟唔熟. thx
HI : 請問點樣先知道熟唔熟呢?
無準確的辦法, 一般憑經驗,焗好的蛋糕中心會脹起
請問系連蛋糕底焗定焗完先整蛋糕底??
蛋糕底和蛋糕底一齊焗
你好呀!請問糖係指糖霜/糖粉/砂糖呢?
因為見到有啲食譜會註明，其實有無分別架?
1. 是指砂糖
2. 糖霜/糖粉/砂糖 甜度各有分別
淡忌廉要打起MA?THZ
不需要
這個蛋糕可以淋酸忌廉響面嘛，味道會否很奇怪呢？
可以淋酸忌廉面。 但可以擠朱古力忌廉及把oreo餅切半放上。
唔好意思呀，我仲想問整呢個蛋糕係咪全程都坐水焗，定係焗左30分鐘後，要拎走水盤繼續焗架？
Thx!!
“把蛋糕放入注了熱水的平底金屬盤中。
(全程都坐水焗)用175c蒸焗約45分鐘。”
請問把CREAMCHEESE和糖攪均的意思是指用電動打蛋器混在一起嗎?
因為CREAMCHEESE有點硬，我不知是不是要把它打至一個什麼的質感和程度。不好意思我是新手所以不太懂這些，望能賜教!謝謝。
還有，我家只有一個焗盤，但個底唔夠深，以175度焗的話水不是會很快全蒸發掉嗎?如果有以上情況發生我應該加水直至焗的過程完成嗎?
我前几日終於試左整呢個蛋糕喇，好好味呀!!唔該哂你嘅食譜同解答呀!!:)
1. 把Creamcheese放在室溫待至軟身, 之後把它打至滑身(不見塊粒)
2. 用電動打蛋器較容易做好
3. 放入焗盤的水只是使蛋糕濕潤,不用擔心水會很快全蒸發掉
我想問個餅底可吾可以轉成脆脆架??:):)
不可以, 脆脆是配涷餅的.Oreo芝士蛋糕要蒸焗, 不適合配脆脆.
甘我想問大約要雪幾耐架?吾該:D
通常我會放在雪櫃冷凍一晚。 因為芝士蛋糕在完全冷凍後,芝士質感會結實些,味道會更佳。
我想問如果整8吋，材料應該x 2甘買嗎？急問…….many thanks!!
YES
我想問洛250 Cream cheese會唔會重得制??
我想問.d cream cheese洛250會唔會好濃ahh?;
我想問Egg是不是全蛋?
這個蛋糕是不是用焗爐的??
To Panda/Sandy
1. 給朋友試過250 Cream 是可以的. 不會過濃的.
2. Egg是全蛋
3. 這個蛋糕是用焗爐的
咁你洛d忌廉芝士戈陣都係洛哂250 g?__?
我就係驚濃得制.so問下您>v<thanks;
我岩岩整左…堅好食…多謝:)
不過我有D問題…
1.我平時見到既recipe如果整餅底通常吾會焗既
會落魚膠粉
點解呢個要焗既?
連餅底焗d牛油會溶==
2.應該幾時先脫模?
因為如果即時脫模會搞到佢甩d出黎吾好睇
其實係咪應該等雪硬左之後之脫模?
新手做餅！今日試整呢個餅，不慎落多咗隻蛋，於是乎我再加多d芝士忌簾諗住可以令佢唔咁浠！焗完之後佢個質感似豆腐，個底重不斷有牛油物體滲出！何解？
1. 如甩底模, 有無用鍚紙包住隔水蒸?
2. 有無待冷藏後凍食?
Is that cake not necessary to add any flour?
No flour is required
跟左黎整,好味!!
但係唔知點解個底同個餅係分開, 同埋焗完有好多牛油漏出錫紙係咪正常架?
thanks a lot!!
我想問餅低係要壓碎佢之後加牛油搞暈.?
放左落模到洗唔洗壓實佢架..?
同埋洗唔洗放入雪櫃備用架><?
1. 是放左落模到壓實佢
2. 要放入雪櫃備用
“把蛋糕放入注了熱水的平底金屬盤中” 請問水位應該到那?
你好，我想問芝士漿入面的Oreo餅，會連埋白色餡嗎？
我覺得塊餡好甜同好油呀，唔知唔用得唔得呢？
可以先刮走白色餡才壓碎。
我想問整8吋, 材料x2後 焗既時間需吾需要加長?
焗多約10-15分鐘
可唔可以用8oz cream cheese
可唔可以唔落cream!!
我是一個新手!
我想問 如果我用電飯煱 , 個 OREO 餅底係放係芝士糊下 OR 上 ?
如果放係芝士糊下 , OREO餅底會5會太爖 ?
如果我放佐入雪櫃 , 可5可以倒出來 , 會5會又整碎個 OREO餅底 ?
我昨天跟你的食譜第一次做了oreo芝士蛋糕!!味道真的很好,不過我的餅底吃時有很重的焦味,所以想向你請教,是否我在某程序或步驟出錯了??謝謝!!
thunderbunny:
蛋糕要坐熱水焗 – 底層熱水有否焗乾?如焗至中途無水要再加入。
cherry:
我無試過用電飯煱焗,所以不太清楚。
anna kwok:
1. 8oz cream cheese ok
2. 要加入忌廉
你好,我想問如果我用4″模既話,d材料要點計?
thanks
你個網超好用, 又多資料!!
整出黎味道好正!!
BTW, 我用卡夫芝士250G.
是否用錯芝士?用Mascarpone 會不會更好味?
To emily:
4吋模可用一半份量
To Kit To:
我也是用Kraft cream cheese。
我預熱左5mins加焗左45mins,但出黎蛋糕表面一啲焦都無(同原色差唔多)咁點？同埋切出黎好似一粒咁。。。但落模前我有隔過啲醬先倒落模焗
每次焗蛋糕也要把焗爐預熱, 等溫度升至所需溫度後才把蛋糕放入。
蛋糕內加入曲奇餅碎,不用隔過才焗。
可唔可以用心形模尼整??
如果個心形模冇底攞牛油紙箭住得唔得??
但再要包多兩層錫紙在外面,在蒸焗時使水份不能漏入。
尼個係蒸定焗？
放入焗爐用熱水半蒸焗方法焗。
我想問如果我焗緊先醒起唔記得落蛋會唔會有影響ga ?
個蛋糕質感會硬些及味道也有會有些分別。
如果想將黑芝麻粉 20g敷入Orea Cheescake,變成 orea seaseme cheescake, 可以嗎? 會否味道唔match?
can i add seaseme powder into the oreo cheesecake to make it as seaseme oreo cheesecake? 可以的話，落幾多份量？
可以。味道應該唔錯。
淡忌廉- 係咪即係single cream? 有冇牌子suggest??
Anchor 都唔錯，超級市場也有售較方便。
請問可以放草莓醬到蛋糕餡？？
可以放少量入芝士餡中。
請問你會唔會最尾取出水盤、再焗幾分鐘？因我驚蒸焗會太濕
可以咁做呀！但我較喜歡濕潤質感蛋糕，
整咗比家人做生日蛋糕、各人都讚好味、但我的蛋糕有點修腰（象腳）、anyway,thank you so much for yr recipes
Hello!想問下用焗爐焗一樣可以嗎？
是用焗爐焗的。 但只是在盤底加入熱水，使它在帶有少量蒸汽環境下焗。