German cheese cake
上次整完濃味紐約芝士蛋糕後,今次又到淡味芝士蛋糕。 最愛就是它的餅面,不用放生果或其它裝飾,已感覺十分特別了。
材料 (6吋模):
忌廉芝士 (室溫) 180g
蛋黃1隻
糖 40g
淡忌廉 300g
檸檬汁 15g
魚膠片 10g
餅面:
蛋黃 1隻
餅底:
消化餅 90g
牛油(坐溶) 40g
做法:
把消化餅放入保鮮袋內,輾成餅碎。
餅乾碎放入牛油中,拌勻後,壓在餅盤底上。
魚膠片用凍水浸軟後,加熱水10g拌勻,再坐熱水坐溶。
坐熱水把蛋黃和糖10g,打至淡黃色。
淡忌廉打至7成企身。
忌廉芝士和30g砂糖打至軟身。
加入蛋液再打至滑身。
再放入檸檬汁,拌勻。
把已打起淡忌廉拌入之後,
再加入魚膠溶液,快手拌均。
把芝士蛋糕放入雪櫃雪凍。
凍至凝固後,掃上蛋黃,再用火槍燒至金黃色,即可。
食譜改篇自日嚐甜品
請問點解整好的芝士餡料有時會有粒粒, 係未唔夠糖(因我減了些)? 定係芝士未夠軟?thank you!
芝士夠軟才可打得滑身,夠滑才可把其它材料打至全混合。
我想問..如果我無火槍可以點丫?!
可吾可以吾整個面???
無所謂, 只是成個蛋糕白”晒晒”
會吾會影響個味道咖???
應該不會影響味道
點解呢部之後,睇唔倒溶左嘅魚膠片幾時加
魚膠片用凍水浸軟後,加熱水10g拌勻,再坐熱水坐溶。
謝謝.已加入.
“把已打起淡忌廉拌入之後,
再加入魚膠溶液,快手拌均。”
唔用魚膠片改用魚膠粉得唔得架.?
可以
請問蛋液係蛋白or蛋王..?
蛋黃
這蛋糕質感是較濕潤和黏性較重嗎?
冷凍後蛋糕質感比較濕潤和滑。
请问怎样才能把芝士打得滑呢？是要用快或慢速打呢？谢谢。。。
要把忌廉芝士放在室溫至完全軟身,才較易打至滑身。
我會先用慢速打至散開,再轉用快速打至滑身。