魔鬼蛋糕 (附食譜)
上次已試整美X西餅的天使蛋糕(按此),最近它又推出新款魔鬼蛋糕,當然立即又試整啦!
蛋糕材料 (18cm模):
蛋黃 3隻
砂糖 20g
低筋粉 55g
朱古力粉 25g
油 35g
鮮奶 30g
熱水 40g
蛋白 4隻
糖 40g
朱古力忌廉材料:
朱古力 50g
淡忌廉 50g (煮熱)
糖 15g
魚膠粉 1/2茶匙
熱水 10g
淡忌廉 160g(打起)
脆脆焦糖材料及做法:
在天使蛋糕食譜內(按此)
蛋糕做法:
將蛋黃加入20g 糖, 打至糖溶。 加入熱水、鮮奶及油35g拌勻。
將麵粉及朱古力粉過篩, 加入蛋黃漿內,快手拌勻至不見粉粒。
蛋白加 40g 糖 打至企身。
將蛋白分3次拌入蛋黃粉漿內,快手拌勻及倒入戚風模內。
(動作要快及輕手, 否則會破壞蛋白糊的細泡, 焗後的蛋糕便不夠鬆軟)
把戚風模放在檯上”登”幾下,使大氣泡排出。
用180℃ 焗35-40分鐘。
焗熟後,即時把蛋糕倒扣,直至完全放涼,即可小心從蛋糕模取出蛋糕。
把蛋糕橫切成兩片,中間抹上朱古力忌廉,再將朱古力忌廉抹上蛋糕外層。
雪凍後,吃前伴以脆脆焦糖,即可。
朱古力忌廉做法:
熱淡忌廉和朱古力拌勻,拌至朱古力全溶。
魚膠粉、糖及熱水拌勻,坐熱水待用。
淡忌廉(已打發)、朱古力溶漿及魚膠水拌勻。
唔好意思, 我想問下 咁哩個蛋糕佢入面o個隻質地係好軟好似美心魔鬼/天使o個隻定係好似平時o個d cake o個隻?
係呀,真是十分相似。 這款戚風蛋糕質地比一般蛋糕底軟熟,而且又十分好味。
我想問下.鮮奶姐係咩鮮奶呢?THXX
盒裝或樽裝鮮奶。
點解整完d朱古力忌廉咁稀既?
應該不會太稀,可能係忌廉不夠凍及朱古力醬又太熱。
你好,,我要問下..
如果係8吋模and唔係戚風模..個份量係點???
把材料份量加多1/3。
soory..我唔識計..可以例明嗎??thx,,
蛋黃4隻,砂糖 20g,低筋粉 70g,朱古力粉 35g,油 45g,鮮奶 40g,熱水 50g
(蛋白 5隻,糖 60g)
這是用8吋戚風模份量,但如用其它模,成品鬆軟度可能有分別。
thx,,最後一個問題..咁朱古力忌廉既份量不變???
希望唔好嚴我太煩><..我想問清楚…
個朱古力忌廉也可做多少少。
朱古力 65g,淡忌廉 65g ,糖 20g
魚膠粉 1茶匙,熱水 20g,淡忌廉 220g
但如果想照美x果個朱古力脆脆，要點整呢？
用做脆餅底的脆脆加朱古力(坐溶)做成的。
可以把蛋榚材料變成消化餅(攪碎)?
這個是戚風蛋糕做主要材料,所以不能只用碎消化餅代替蛋糕材料。
如果我五寸模份量應該多少??
可用 1/2 材料份量
請問整蛋糕時，蛋黃打起是否打到杰身呢?? 加熱水、鮮奶及油是否有先後次序??或是一起加呢??
熱淡忌廉是否坐熱就可以呢??魚膠粉是否放了在朱古力漿內才加入忌廉呢??
真的麻煩你，謝謝你。
打蛋黃至糖全溶。
可先把熱水、鮮奶及蛋黃漿拌勻後,才再拌入油。
我會把淡忌廉用微波爐叮熱。
先把朱古力忌廉漿(室溫)拌入忌廉(已打起)後,才再拌入魚膠水。亦可用魚膠片代替魚膠粉,放入朱古力漿溶化。。
想問油是什麼油, 菜油定無鹽牛油?
菜油
想問下朱古力忌廉用甜忌廉得唔得? 份量如何? 蛋糕鬆軟度係唔係似美X的魔鬼蛋糕呀? Thanks!!
也可以用甜忌廉代替。用相同份量亦可。 此蛋糕十分鬆軟和它十分相似。
已經整左啦，好好味~~Thanks!!
想問下如果轉用20cm既戚風模咁d份量點轉?
請參考之前的留言,已有20cm(8吋)戚風模之份量。
要落他他粉/ 自發粉嗎?
不用加他他粉。 雖然他他粉作用是穩定蛋白泡沬,但蛋白一般是十分容易打起。 你只要注意所有器皿不要沾有油份,而蛋白又不帶有蛋黃,就不會有問題的。
蛋白泡沬是可以幫助蛋糕提升,所以不用加自發粉。
我想知點解我整出黎個蛋糕唔漲既…
係唔係因為我用左普通麵粉
我整左兩次..兩次個蛋糕出黎既高度都係只有3cm左右…
口感仲係只係有d似鬆餅…
低筋麵粉可使麵糊筋力少,蛋糕容易提升。
我想應該是蛋白未打得起,而且在拌勻時,又用得太大力令蛋白消泡。因為戚風蛋糕高度是十分受蛋白泡沬所影響。 所以如果怕未掌握得太好,可以試下加多隻蛋白及再打得企D,拌勻時要快及輕手。 希望可以幫到你啦!
我整咗啦..真係好好味呀…thanks
唔該.我想問下呢..焦糖脆脆要焗幾耐同埋要用幾多度焗呀.??
仲有呢..你咪話朱古力脆脆用脆餅底既脆脆既..請問係咩黎架呢..??
焦糖脆脆不用焗,只要用煲煮。你可以參考天使蛋糕食譜。
脆餅底脆脆外形好似即食粟米片,但就比較碎及薄片些。 當把它拌入朱古力溶液及凝固後,即成朱古力脆脆。
請問是朱古力粉還是可可粉?
朱古力粉和可可粉也是一樣。
想問下點解個戚風焗出黎個頂中間會爆開既呢?? 點樣可以好似你果D焗得咁靚咁平呢?
謝謝
出爐時戚風蛋糕個頂面有少少爆開是正常,但一般倒扣及收縮後個面也會平番些。
如個頂爆裂得多及有些乾硬,也有可能是頂火溫度太高,你試下把它放底1格焗。
如只是爆裂得多,可以試下入爐前`登‘幾下,把大氣泡排出及使入爐前粉糰面也較平面些。
熱水要幾熱?加落蛋黄漿會唔會整熟D蛋?
用手感覺熱那溫度也可以了。
一邊加熱水一邊拌勻,是不會整熟D蛋的。
我個蛋糕焗左出來但中間兩邊都通左LONE,唔知係咩原因呢?
可能係蛋白混入蛋黃漿時未完全混合,而且又有大蛋白氣泡在中間。
如果係有大蛋白氣泡, 應該要點做?
入爐前把它在檯上’登’幾下,可使大氣泡爆破。
朱古力忌廉d朱古力係咩朱古力??朱古力磚??
可以用朱古力磚及把它切碎。
粟米油ok嗎??
可以。
你好，我屋企無焗爐既，咁我仲有無其他方法可以整到焦糖呢？thanks..
焦糖是用爐火煮,不需要用焗爐。
蛋糕可用朱古力代替朱古力粉嗎?
份量是?
可用6吋模嗎?份量有沒改變?
謝謝!!
sorry,我未試過用朱古力代替朱古力粉做戚風蛋糕,所以暫時沒有份量可提供。
油<一定要落?
有咩幫助?
朱古力忌廉.<
朱古力忌廉的魚膠粉可唔可以唔落
我唔記得買呀>.<
唔該哂呀!!
戚風蛋糕一定要加油才可成型。
如果唔加魚膠粉也可以,但要注意忌廉一定要夠凍才可。
請問,可唔可以用橄欖小米油?
整這個蛋糕時,有哪幾部份需要注意?thank you^^
可以用橄欖油,但橄欖油味道帶青味。所以我也是用菜油整蛋糕。
一般出現問題也是蛋白和蛋黃槳未拌勻,但有時又太大力使蛋白消泡。 所以可能要整多幾次才可掌握力度。
整好左la~~不過冇你整得咁靚,因為橫切一半戈陣斜左.
搞到好似變左鳥巢hahaXD…thank you~期待你再有新作^^
請問脆餅底既朱古力脆脆即係用普通栗米片(整碎)加朱古力而成?
同埋我想問下呢種朱古力忌廉可唔可以做黎唧花做裝飾?
可以用普通栗米片加朱古力整。
最好就用甜忌廉打起來做唧花,因為甜忌廉較硬身及較易控制。
‘打至企身’即怎麼樣?
蛋白和蛋黃要整成如何?
Hello, i am beginner to bakery, can you please explain to me how to 打發淡忌廉?? Thanks a lot!!
To: kitkwan
打至企身-即是反轉個攪拌碗,蛋白也不會跌落。
To: agnes
淡忌廉要夠凍,個攪拌碗要乾淨無油份、無水份。用攪拌器把它打至成固體狀。 如果天氣太熱,最好就把個碗坐冰打,使它打發時更穩定。
海綿蛋糕點樣先可以keep得耐而又唔會變硬架?
我焗完果陣可以好鬆軟 但係過左一排
好似又硬返咁 放落雪櫃更加會變硬
應該點先可以唔硬架?
仲有呀,, 我焗出黎d蛋糕好似唔係好夠高,,
但我明明打蛋白果陣打到好企身架啦
倒轉個兜都無跌落黎 但點解都發得唔夠高既?!
1. 魔鬼蛋糕是戚風蛋糕。
2. 一般戚風蛋糕是不會容易變硬。 個蛋白要打到企身,但又不可以打過量變太硬身。所以打到差不多就改用慢速打,直至剛打至企身即停機。
還有拌勻時又要拌至全混合,但又不能太大力引致泡沫消失。 我想你應該是在最後拌勻時未完全拌勻,所以個蛋糕油份不平均引,。
我整左啦…不過唔係用戚風模…味道好好呀…不過我D cream 可能打得唔夠….”塔”左/_\…..不過我覺得又有另一種風味,,,濕濕地…有少少似brownies..~XPPPP
Anyway….thanks your receipt~~~
繼續出多D食譜….^^
請問整朱古力忌廉既時候,D朱古力熔漿應該係咩狀態?
應該係熱果時定係變成溫暖的?
我試過朱古力太熱D忌廉又變左水,唔夠熱又不能與忌廉攪均
同埋整好之後洗唔洗放雪櫃一陣先整上蛋糕面呢?
THANK YOU
朱古力溶漿變成溫暖時,就要一面倒入一面用打蛋器拌勻。
正常不用先放入雪櫃,但最近天氣太熱就可以先凍一凍或坐冰再搽上蛋糕面。
請問d朱古力忌廉可唔可以早一日整定,第二日先搽落蛋糕度?
會唔會冇咁好味?
thanks!
To coco:
如果凍得太耐魚膠會凝固,就好難搽上蛋糕。
To Yau:
用牛奶或黑朱古力也可以。
我想問朱古力係用黑朱古力，定係牛奶朱古力?
點解佢出左黎咁水既? 好似吾係好岩?
|係面粉定係低筋粉?
麵粉 = 低筋粉
如果蛋白泡沫消失,就會形成好似水狀。
點解我正完出黎係一個蛋糕.旦係入冷卻完後.
佢變左1個好似紅豆高質地既野???吾同起左化學作用?:s
戚風蛋糕真係要做多幾次,才可真正掌握到它的拌勻技巧。 通常頭幾次整會出現類似問題,因為拌勻時力度太大、太久或未拌勻,也會令蛋白泡沫消失使蛋白未能提升,完成後蛋糕也不夠鬆軟。
其實個蛋糕整出黎大概係點樣嫁 0v0?
我整左出黎好似雪芳蛋糕咁 …
係吾係可以再鬆軟啲嫁 ?
焗完好脹 , 無幾耐就跌左落去啦 .33.
吾該晒 v_v
戚風蛋糕是比雪芳蛋糕更鬆軟。 蛋糕出爐後即時把它倒扣,即至全涼才可把蛋糕取出。
我想問呢 如果跟美心朱古力脆脆既做法 個脆脆材料份量應該轉成點??
同埋大約點做 吾該哂*v*
坐溶朱古力磚後拌入脆米,即取出及把它分散在牛油紙上凝固。
吾好意思呀. 我吾知點解整左出黎之後就咁食
口感有啲乾.聞上好香朱古力味.
食落又吾係真係好有朱古力味;
係吾係咁嫁 ? thz
戚風蛋糕口感應該不會乾。 每個朱古力粉牌子濃度也有分別,所以朱古力蛋糕味道也有些分別。
請問蛋糕係咪一定要用戚風模整~??
如果我用普通6吋蛋糕模,個份量應該係點?
thx!
你好，我想問下呢，朱古力忌廉O個度，如果我將50g朱古力&50g淡忌廉轉做50g朱古力奶，咁樣得唔得架?其實我係想整mousses的口感，但又唔想落用蛋黃><
你好，我想問下如果我用5吋模個份量係點調整嫁？thx~
大約一半的份量
你好…我想問問1/2茶匙的魚膠粉即係幾多克呢？如果我用魚膠片代替
還有…50和160克忌廉是否等於相同份量的ml呢？
謝謝!!!
我想問可5可以用牛油代替菜油??
可以, 不過用菜油會食得健康些
我整咗個戚風蛋糕, 出爐幾個鐘後, 蛋糕面有d濕濕哋. 點解呀?
另, 請問倒扣時, 係咪一定要放喺可以疏氣ge架上, 定係求其一個盤喥都得ga?
你呢個份量係幾多寸ga? d面粉只係得55g, 會唔會唔夠hold住個蛋糕呀?
我見你個咖啡戚風蛋糕用80g ga喎. 因為我之前用同樣份量ge蛋同面粉(但冇用戚風模), 焗出嚟後蛋糕企唔住呀. 我阿媽話係面粉太少.
1. 要倒扣放在架上散熱疏氣, 避免水蒸氣積聚
2. 這食譜是大概做 7吋用的
3. 如果做 6吋, 份量是原食譜的三份之二
4. 用戚風蛋糕模效果會好D, 這是戚風蛋糕奇妙之處
我跟著你的食譜做過幾次，個蛋糕好鬆軟好香朱古力味！
但係關於個朱古力cream，我有問題想請教你！
每次將朱古力與發好的cream混合後，初時仍是很creamy好似美X嗰啲cream咁滑，好好味!
但次次當塗上蛋糕後，就開始變硬了。以為是因為魚膠粉太快變硬的關係，但就算我無加魚膠粉再試，結果都是一樣！！
因此想請教你究竟如何才可做出軟滑的朱古力cream呢？
（我是用85%V牌朱古力）謝謝！
塗cream上蛋糕要快手.時間愈耐或cream搞動太多, cream會變老(硬)
Thanks for your reply!
I’ll try again!!
請問倒扣時, 係連模倒扣,係咪呀? 但係個戚風模個煙囪高過個外模ga喎, 突出嚟, 點倒扣呀?
係要連模倒扣。
如果個煙囪口較闊,可以把它插入樽口倒扣。 但如果它較窄,可以放在鐵架上倒扣。
請問食譜 ge 液體用gram, 即幾多ml 呀?
我整咗啦, 點解d蛋漿加咗面粉同可可粉後,好”結”ge?
比平時d較結呀, 之前我冇加到水, 後尾見到太結, 再加50ml水落去再搞, 咁樣會唔會搞得太多架?
同埋我個蛋糕整出嚟得2寸半, 比起焗前好似冇升到幾多. 會唔會同之前d 面粉高得太多有關呀?
是要加熱水和奶,如果無加就一定太“杰”。
如果拌入蛋白時消了很多泡,焗後蛋糕不會升高,而且蛋糕鬆軟程度也會不夠。
你好迪比，無意中睇到你gaBI0g，D資料好祥細，好高興認識你
請問用普通模同戚風模效果有咩吾同?
用戚風模效果好好多
你好…我想問問1/2茶匙的魚膠粉即係幾多克呢？如果我用魚膠片代替耍用幾多塊? 想問油可否用牛油(無鹽彧有鹽)牛油代替? 用甜忌廉代替是否不用加糖? 如果我用6吋蛋糕模,個份量應該係點? 謝謝!
簡單D, 用甜忌廉代替淡忌廉,不用加糖,不用加魚膠.
用菜油會健康D, 較容易突出朱古力忌廉的味道.
可用牛油, 但牛油味較濃
如果我用6吋蛋糕模,個份量應該係點? sorry我唔識計..可以例明嗎?
用甜忌廉代替淡忌廉,不用加糖,不用加魚膠. 咁朱古力忌廉做法會怎麼樣?
如果用牛油代替菜油, 牛油是無鹽彧有鹽? 謝謝!
打起d材料係一定要用手提打蛋器?定手打都ok? thx:)
可以用手打, 但需頗長時間
請問
1.焗完之後要即時取出還是擺佢喺爐內一陣
2.倒扣時，係取出蛋糕放涼，還是連模蓋住佢呢？
我的成品放涼後縮左水 == 點解會咁 ??
thx
1. 焗完之後要即時取出放涼
2. 倒扣 = 把蛋糕”連模”倒轉放涼
3. 放涼後縮左水可能因為倒扣未做好
想請問下呢, 你焗完個朱古力戚風蛋糕出來, 大約高幾多寸左右? 我用8″ mould既份量焗出來偏矮約2″高, 0吾知加cream後會否高身d似maxim個款.
我用約7吋模,如果8吋模就要加多 1/3 份量才夠。
我整咗啦, 但點解1. 個底冇你啲咁平, 我果個有條鞏邊; 2.請問整海綿/戚風可否用黃糖打起蛋白/雞蛋? 3.點解天使蛋糕食譜全用鮮奶, 但魔鬼則鮮奶加水? 謝謝!!1
我也試過用黃糖打蛋白,但覺得出來效果不太好。
天使蛋糕-想用鮮奶帶出些香味。
魔鬼蛋糕-因為想保持朱古力濃味感,所以只加入少少奶。
請問,
1.依個蛋糕整完可唔可以放一晚?蛋糕上既cream會唔會因為咁而硬左?
2.用6吋模既份量係幾多,可唔可以列明糖,麵粉,朱古力粉,油同熱水既份量?thx~
3.我可唔可以放牛油紙落模到?因為我個模好痴底
thankyou very much:)
1. 可以放入雪櫃凍一晚。 唔會。
2. 約 3份2 (2/3) 份量。
3. 唔可以。
你好..我想知道點解我(糖+蛋打唔到佢企身..而係有好多泡沬同好似水咁)thx
我跟足你的食譜整咗, 蛋糕好鬆軟, choco cream 亦好味, 但抹忌廉後, 蛋糕便塌下變型, 係未應將蛋糕及忌廉分別先雪一陣, 稍硬才抹呢, 好想做到你呢個層次分明, 請指教.
蛋糕要倒扣至完全放涼,才可從蛋糕模取出。 如果蛋糕未放涼會太軟身及易變型, 而且蛋糕暖也會把 choco cream溶化。
我用6吋模, 2/3份量, 係未175度30分鐘???
我想問蛋白同蛋黃即係點
將d蛋黃分開先??
可用分蛋器或用蛋殼把它分隔開。