法式焦糖布丁 (附食譜)
法式焦糖布丁與港式鮮奶燉蛋本來味道分別不大,但因為法式布丁有焦糖汁伴食,所以感覺味道多些層次感。
材料 (3杯份量):
水 30g
糖 60g
雞蛋 2隻
砂糖 40g
鮮奶 300g
雲尼娜油 1/2茶匙
做法:
糖60g加水30g煮成焦糖,倒入布丁模內。
鮮奶煲滾後拌入雲尼娜油。
蛋加糖40g打勻,拌入熱鮮奶。
過篩後,倒入布丁模內。
把布丁放入已加熱水之焗盤上,用180c焗30分鐘。
從焗爐取出後即浸入凍水裏使其降溫,再放入雪櫃冷凍,即可倒轉倒出。
hello~~又係我呀…
我想問下呢…點解焦糖會變左起上面既?係咪雪凍後要將佢反轉?
仲有,焦糖要煮幾耐?點先知佢ok呢?
thank you^^
hello!! 哈哈!係呀!寫漏左要反轉倒出,所以就有焦糖面在上面。
一般見到D泡不停升起,而D顏色就變成啡黃色。
噢,多謝你既解答~
我仲想問,蛋加糖40g打勻,是要用電動打蛋器打到杰身嗎?
另,通常放入雪櫃雪幾耐先食得架?
THANK YOU ^^
不用打得太杰,可以用手動打蛋器打比較好。 其實它只是一款同中式燉蛋差不多的甜品,所以打得太杰就不夠滑。 因為中間太熱好難把原個完整倒出,所以要完全冷凍後再倒出。
已嘗試多次, 但焦糖都是失敗…升左好多泡,但始終冇變啡色,當我倒入杯時,佢已變成固體,但仍是白色….點算呀?? >_<
要用細火把糖及水慢慢煮,其間要不停攪拌。 糖完全溶化後溫度會越煮越高,就會慢慢變成金黃色。 倒入杯時要好快手,因為它十分快凝固,但倒入蛋漿及再蒸焗,它就會再溶化及沉在底部。
hello~ 我昨日第一次整焦糖布丁(用蒸方法,唔係用焗爐),不過雪凍之後,布丁倒出時只可以倒出蛋部份,好多焦糖都黏住杯底… pls help 解答… million tks!!!
補充︰我跟果個食譜係用淡忌廉,唔係用牛奶整,唔知有冇關係呢…
可以先把它從雪櫃取出後,先坐一陣熱水,使焦糖受熱軟化後才再倒出。
您好，請問你用的心型布丁模在那裡買的？很漂亮!我只買到普通的瓷器布丁杯(白色餐廳用個款)。如果用這款布丁杯是否可以反轉倒出來呢？或者用鍚紙杯得唔得呢？另外﹐請問要倒多少焦糖在杯底才足夠？謝謝。
Hello, 你好, 請問你的心型布丁杯在那裡可以買到呢?另請教倒在布丁杯底的焦糖份量要多少. 謝謝
這個心型布丁杯是連火槍一套,但我曾在吉之島$10店見過類似款式。
你可以用白瓷器布丁杯代替,但用錫紙杯可能不太好,因為受熱情況不同。
要把焦糖倒滿杯底,才可有這個效果。
Thanks for your sharing and comments. 我前天在二德惠找到心型鋁做的布丁杯。
糖60g加水30g煮成焦糖<–普通砂糖已經得?
係呀!普通砂糖已經得。
我想問用蒸的方法,效果會唔會好似燉蛋咁,同埋用蒸的方法,要蒸幾耐?用咩火?thx ^^
我未試過用蒸方法做這食譜,但用焗方法和蒸方法,個製成品也會有分別。
焦糖布丁唔用焗的方法,只用魚膠ok嗎?
用魚膠就做不到真正焦糖布丁效果。
雲尼娜油係邊到買?
在大型超級市場有售,通常是1小樽包裝。
HELLO 我想問下.煮完焦糖之後 使5使立即倒入蛋漿?
不用。
2人份量
材料應該是多少?
我想問下我次次整個焦糖都係太苦,應該點整先唔苦???
先用中火煮至大滾後改用細火慢慢煮成焦糖。
想問下點解會焗左半小時都仲係水狀??
還有,糖+蛋打勻的部份,要打至甚麼形態??因為我打左一會都仍然係水汪汪的。