芒果法式千層薄餅蛋糕 2 (附食譜)
試了又試…,終於有了最滿意食譜。
材料:
低筋粉 120g
蛋 1隻
糖 20g
鮮奶 130g
水 130g
牛油 (溶液) 15g
甜忌廉(打起) 200g
做法:
把蛋打散後拌入糖,再加入鮮奶拌勻。
篩入低筋粉拌至不見粉粒。
加入水拌勻後,再拌入牛油溶液。
用保鮮紙密封後,放入雪櫃1小時。
噴油在平底鍋面,,煎出一片片薄餅。
把薄餅放入蛋糕模,加入甜忌廉和芒果。
一層薄餅、一層忌廉和芒果,重覆做成數層。
用保鮮紙密封及冷凍後,即可。
請問係咪要好似圖3咁蛋糕模要先鋪薄餅, 之後每加入忌廉和芒果都要再鋪薄餅? 同埋請問蛋糕模幾吋? 唔該哂~ 🙂
係呀! 先鋪一片薄餅, 之後每加入忌廉和芒果都要再鋪薄餅餅。
我用6吋模。
迪比你好,我跟你呢個方法整左d薄餅
但唔知點解,加完低筋粉之後,就望唔到有粉粒
但係我再加水之後,成盆變得好似好稀好水,咁正常嗎?(現在雪緊)
同埋,加左水之後d粉粒就出返哂黎,唔知有冇方法整走?
另外,我晏d煎餅之前,要將d餅漿過篩嗎?(篩走粉粒) 謝謝:)
篩入麵粉後要用手動打蛋器拌勻。 如果加入水後有粉粒,即是之前未有完全拌勻。
如果麵粉結成粉粒,個粉漿就會太稀,可能煎後效果也不會好。
甜忌廉可用淡忌廉代替嗎？因為MAMA不能食太甜!
可以, 但打發後的甜忌廉比淡忌廉較為挺身, 制作時比較容易控制.
低筋粉跟麵粉有分別嗎?!
另外,假若家中沒有量g的用具,可以用什麼方法量出份量呢..?!
麵粉跟低筋粉有分別嗎?!
請問你大約會整幾多塊薄餅?
塊餅大約6吋 ?
thank you
約8片