檸檬芝士蛋糕 (附食譜)
Lemon cheese cake
材料(6吋圓模):
忌廉芝士 250g
糖 80g
鮮奶 100g
淡忌廉 150g
魚膠粉 15g
熱水 45g
檸檬皮 1個(刨茸)
檸檬汁 50g
蛋糕底材料:
Oreo曲奇 80g (壓碎)
牛油(溶化) 30g
做法:
把曲奇碎及牛油拌勻,倒入蛋糕模及壓平。
魚膠粉和糖10g先混合,加入熱水拌至魚膠粉全溶及坐熱水備用。
淡忌廉打至企身。
忌廉芝士和糖70g用電動打蛋器打至滑身。
邊攪邊加入奶,打至完全混合不見粒狀。
把淡忌廉拌入至完全混合。
再拌入魚膠水、檸檬汁及茸。
倒入蛋糕模後,冷凍至完全凝固即可。
我想問淡忌廉點打至企身呀？我用打蛋器打極都係液體既…
同埋係咪只係忌廉芝士和糖要用打蛋器打，之後再加落去既野就唔使再用打蛋器攪雲架喇？
1. 打淡忌廉時,淡忌廉要夠凍;另外容器要完全無油無水
2. 後加的材料用手捧拌勻便可以
請問整溶魚膠粉要幾多水呀?
另外, 想問下個餅底點先會無咁易散? (因為我成日整餅底都好散咁)
謝謝^^
魚膠粉 12g, “熱水 25g”
要餅底無咁易散:
1. 溶0左D牛油混合餅碎,之後再用叉輕壓
2. 再放入雪櫃冷凍一陣
請問檸檬茸點整架?感謝
用磨刀把原個檸檬表皮磨出
無電動打蛋器點算？淨有平時用嘅手打蛋器…
也可以。
想請問OREO餅是否要走CREAM後才壓碎?? THANKS!
一般是要把餅刮走cream才壓碎,但我較喜歡連cream一起的味道。
想問用7寸模嘅份量應該係幾多？
我想開6吋係咪指模底既width? 我個模個底9吋, 高大概有差唔多2吋, 要幾多芝士呀? 我次次都好似唔夠芝士咁..唔該晒~!
可唔可以講埋份量比我..thanks!
要加乘多2.5 才夠。即是250g改為625g才可。
if the pan is 9″ so all the ingredients should be plus up to 2.5 is it..
yes
你好, 請問如果全部份量X2, 魚膠粉的份量是否亦要X2
係呀。
好想請問東海堂3.6牛乳芝士蛋糕点做？
因為我太想可以自己做到！
你可以教吓嗎？
未試過，不太清楚它的味道。 有機會試試再研究吧！