天使蛋糕加脆焦糖(附食譜)
進食前,蛋糕面才可加上脆焦糖
脆焦糖未切成小塊前
今日試整美X西餅的天使蛋糕,蛋糕質感十分超鬆軟,滑滑忌廉配上濃郁焦糖脆脆,感覺十分特別。
蛋糕材料 (18cm模):
蛋黃 3隻
砂糖 20g
低筋粉 80g
油 35g (坐熱)
鮮奶 60g (室溫)
蛋白 4隻
糖 40g
淡忌廉 適量(打起)
脆脆焦糖材料:
砂糖 100g
粟膠 25g
水 25g
梳打粉 5g (過篩)
蛋糕做法:
將蛋黃加入20g 糖, 打至糖全溶。
加入鮮奶及菜油35g再打至全混合。
將麵粉過篩, 拌入蛋黃漿內,快手拌勻至不見粉粒。
蛋白加 40g 糖 打至企身。
將蛋白分3次拌入蛋黃粉漿內,快手拌勻及倒入戚風模內。
(動作要快及輕手, 否則會破壞蛋白糊的細泡, 焗後的蛋糕便不夠鬆軟)
把戚風模放在檯上”登”幾下,使大氣泡排出。
用180℃ 焗35-40分鐘。
焗熟後,即時把蛋糕倒扣,直至完全放涼,即可小心從蛋糕模取出蛋糕。
把蛋糕橫切成兩片,中間抹上忌廉及加脆焦糖,再將忌廉抹上蛋糕外層。
放入雪櫃凍後,吃前伴以脆脆焦糖,即可。
脆脆焦糖做法:
糖、粟膠和水混合,用細火煲滾。
煲至糖漿開始有少少淡黃色,即熄火。
快手拌入梳打粉,其間要不停手攪拌。(拌得不勻,會變成苦味)
糖漿拌入粉後,即時會有很多泡浮現及顏色會變深色。
要攪拌至泡開始退,即倒入焗盤內(已舖牛油紙)。
放涼後(大概15分鐘),即可切成小塊狀及用保鮮盒盛起。
鳴謝shirley分享脆焦糖食譜
粟膠是什麼??
粟膠 (corn syrup) 是透明液體狀,要在大型超市或烘培店有售。
有什麼可以代替粟膠,因為我找不到…
應該沒有其它可代替。
想問一下如果用22cm 模所用的材料應是多少?
同埋係咪用普通既油就可以?
謝謝
我想應該比原本份量加多50%。
普通油就可以。
係咪即係煮飯用既粟米油都得?
thx a lot!!!
唔好意思..想問埋’砂糖’同’糖’有咩分別呀?
粟米油可以。
砂糖同糖無分別。
Hello…
我想問呢.圍住個天使蛋糕果D係咩.
即係白色果D.
點解可以整到甘令.
因為我整完之後,蛋糕面好怪.
可唔可以講埋白色果D既材料.
唔該..
那只是打起左的忌廉,甜忌廉或淡忌廉亦可。
哦..原來係甘…唔該哂.
同埋,我仲想問下焗爐洗唔洗預熱.
要預熱 15mins
想問下用普通o個d 模同戚風模焗出黎既蛋糕會唔會有分別?
如果用普通模要唔要加發粉咖?
是會有一些分別。 戚風蛋糕是用蛋白泡沬及戚風模幫助蛋糕升高及膨脹,中空模可幫助蛋糕在焗製時平均受熱。
請問如果係6吋模材料應該點計?
用這份量也可以,但焗完個蛋糕會高及爆D。
請問隨了焦糖以外，可以用其他的食品裝飾嗎? (e.g: 士多啤利 or chocolate)
當然可以啦! 而且可以把士多啤梨切碎放在2層蛋糕中間,再放些原粒或半粒在蛋糕面,做成士多啤梨戚風蛋糕。
我試做左個嘞,但有幾個問題呀？
首先點解焗完出黎既蛋糕,當時係好鬆軟架,但當雪凍後就硬身？
仲有點解我啲cream整唔到咁滑既？感覺好似變左咁既？
最後點解我整完個焦糖脆脆係淋身既？
這款戚風蛋糕雪凍後也會十分鬆軟。但一定要把它倒扣至全降溫,才把它從模取出。
如果忌廉打得太over,會好難搽得滑。
可能是焦糖未煮得夠就加梳打粉。 而且加入梳打粉後,有很多泡泡浮起,要在它的泡泡未消失前倒出。因為泡泡就是焦糖裏的小空洞,因為有很多小洞,所以它才能做成焦糖脆脆。
halo…又係我呀…^^”
1. 今日我嘗試整焦糖脆脆,但佢完全冇變啡色,只係變左好淡既黃色,係咪因為我未煮夠糖+粟膠就落soda粉?
2. 我都覺得雪凍之後個cake變硬左呀…點解會咁架?
3. d cream好似唔夠硬,係我打得唔夠,定over左?? 點先知道打得岩岩好?
4. 搽cream時搽到好樣衰…點算??
5. 我擺左d罐頭桃上去,但d桃汁即刻整到d cream濕哂…我係咪應該瓊佢乾身先放上去??
好多問題呀…麻煩哂你呀….><
1. 如果個糖+粟膠煮得夠時間,落左soda 就會有好多泡升起及顏色也會變深色D。 你試下次再煮耐些,要煮到成焦糖才可。
2. 戚風蛋糕就算凍後也會鬆軟。但個蛋糕不用放入冰箱,只要放入雪櫃冷凍即可。
3. 淡忌廉打起也不會太硬,但味道就十分滑。甜忌廉就可以打得好硬,但味道就比淡忌廉不夠滑身。 可以打完忌廉後,把它放入雪櫃,等cream 凍D才用。
4. 其實D cream 不用打得太硬,因為搽蛋糕時,會越搽越粗身,就難搽得滑身。
5. 要隔走D汁才可用。
多謝你既解答呀…我仲想問埋,d粟膠好難處理,成日痴實個spoon!!點算好呀???
仲有,淡忌廉要加糖打嗎?應該加多少?
thank you ^^
可以用微波爐叮一叮,就可變軟身D。但我一般會先磅隻spoon,再用它取粟膠,就可以正確地量粟膠重量。煲焦糖時,就用同1隻匙攪,D粟膠好快就混入糖水中。
淡忌廉加糖打,可以打得硬身少少及味道帶甜。 如果加糖可以加大概10%忌廉的重量。但因為我不喜歡太甜,所以我一般也不會加糖打。其實只要包淡忌廉夠凍,也會十分容易打得起。
粟膠在一般的超市就可能買到了嗎?
另外低筋面粉是普通的面粉嗎,超市裡通常只寫面粉.
粟膠可以在烘焙店較容易買到。
低筋麵粉 = cake flour, 高筋麵粉 = bread flour
如果盒面只寫麵粉,一般也是中筋。 但也可以用它做蛋糕,只是鬆軟程度有少少分別。
可否用牛油代菜油,會不會香一些?份量如何?
因為戚風蛋糕用油量比一般蛋糕多一些,而且菜油不會凝固,所以用菜油做戚風蛋糕會較鬆軟。
我想問可吾可以列明22吋模材料份量??
把所有蛋糕材料x1.5就可以。蛋黃就用5隻。
你好:點解整完個蛋糕會縮埋,變左唔係圓形,我焗完已反轉個蛋糕.謝謝您的幫忙.
hi:可用菜油嗎？THX
可以用菜油。
焗完要反轉個焗模,等到個蛋糕完全凍後(一般要等數小時),才可取出蛋糕。
我試過好多次做焦糖脆脆,每但做完在室温放涼後,焦糖脆脆都好像有點溶,就算放進雪櫃,都不能變乾身,究竟是什麼問題呢?Thanks.
我揾吾到栗膠
用呢個食譜整焦糖脆脆可以嗎???
人地話整到
砂糖 160g
水 80g
梳打粉 1 茶匙
from bk mami chinatea
這個我也不太清楚,但如果你試得成功,不妨同大家分享。Thanks!
砂糖 160g
水 80g
梳打粉 1 茶匙
呢個食譜整到嫁
都係煮到金黃色就離火
見到少少金黃色就撹下
唔係好易「|one」
好呀! 材料又簡單些,大家又多一個選擇。 Thanks!
我想問忌廉大約要幾多份量先夠?
我用左100G打起,,都搽唔到你個效果
通常忌廉一般要用180g – 230g, 視乎要抹厚度及蛋糕size。
想請問您依家哩個分量糸用幾吋模嫁
thx 🙂
18cm
想問油係咪一定要用菜油~?用普通煮野d栗米油得唔得~?
可以
crystal:請問你有無教人整食物呢？有無地址，我好想跟你學整食物？
請問如果用淡忌廉唔加糖打, 會否好淡無味?
我想問如果正4吋/5吋要幾多材料?
Debbie,
第一次來到這兒…真是感謝你的分享!
看了你一些曲奇的食譜,很多時材料都有『油』,我想問一問,油是指菜油?是用固體的嗎?
一般曲奇食譜也是加入牛油, 只有數個食譜是用液體菜油。
我想問個cream要打到幾多成??
約8成
今日做左了，好好味。但打忌廉就失敗了，忌廉已雪過但打時都沒有發起，是否不會像蛋白般膨脹？
不會像蛋白般膨脹,但忌廉打起後會較”杰”。
請問可減少戚風蛋糕上的砂糖份量嗎, 因我朋友不適宜吃甜野. 如減少砂糖蛋糕會否弄不成??
我已把砂糖份量份量減至最低,如再減蛋糕有可能不能成形。
看到56條問題，才知糖會影響蛋糕的成形。
請問，成形是指它的鬆軟情度?發不起?
我常因蛋糕的鬆軟煩惱，已經倒扣1小時，完全凍，但出來的並不鬆軟。是因糖太小麽?
糖太小蛋白會較難打發得挺及企，如果蛋白打發得不好，拌勻時會較易消泡。 製成品鬆軟程度大減。