石板街蛋糕 (附食譜)
Rocky Road chocolate cake
Happy Mother’s Day!!! 母親節快樂!!
材料:
朱古力海綿蛋糕 2片
蛋黃 2隻
糖 30g
鮮奶 250g
黑/牛奶朱古力磚130g
淡忌廉 200g
魚膠片 10g
果仁 20g
棉花糖 25g
做法:
魚膠片用凍水浸軟。
鮮奶煲熱。
蛋黃和糖打至淡黃色,慢慢把鮮奶倒入及邊拌勻。
再倒入煲內用細火煮熱。
即熄火及放入魚膠片及朱古力,拌至魚膠片及朱古力全溶。
淡忌廉打至7成,即拌入朱古力奶漿。
放入1片蛋糕,倒入一半朱古力慕思,再放上棉花糖及果仁。
再放入1片蛋糕及倒入餘下朱古力慕思。
放入雪櫃,凍至凝固即可取出及裝飾蛋糕面。
睇落好好食.中意多生果ge蛋糕 ^_^
哈! 咁快!仲以為下星期一先睇到. 想問呢個係未7吋份量? 如用魚膠粉, 份量如何, 洗唔洗減翻啲鮮奶? 呢個蛋糕除咗逗媽咪外, 仲可以逗小朋友, 多謝分享.
哈哈!因為遲些工作上也會較忙,所以就提早post 左先。 而且又想朋友可提前準備,今年自家製母親節蛋糕。
係呀!7吋模份量。 如果用魚膠粉,加熱水後就減去相同奶份量。
我未用過魚膠片, 想問同粉有咩分別? 睇落好似片方便啲. 另外, 凍餅上的雲石紋點整, 請指教! 唔該哂!
魚膠片同魚膠粉用途一樣,但魚膠粉一定要加熱水先拌勻,而魚膠片就要先用凍水浸軟才加入熱溶液中。 如果有些味道想濃烈些,因魚膠片不用再加水,所以用魚膠片比較好。
可以把朱古力溶液滴在餅面,再用牙簽把它推開成雲石紋。
咁洗唔洗先雪一陣, 定係整好餡料便可挑雲石紋? 仲有, 黑森林旁邊的朱古力薄片點整? 希望睇到你的黑森林, 流心芒果蛋糕, 林明頓……食譜, thanks a lot ^.^
唔好意思, 還有,可唔可以用熱鮮奶開魚膠粉, 咁未唔會開稀咗啲味, 謝謝!
1.唔使先雪,只要最後輕手倒入,使它浮面,再用竹簽推出雲石紋。
2.可以用朱古力磚刨出薄片,但最方便也是到烘焙店買現成朱古力薄碎。
3.好呀! 下次有時間就試下整啦!
4.可以用鮮奶開魚膠粉,但因為鮮奶唔係透明,如果魚膠粉未完全溶也看不清。
我想問10G魚膠粉需要用幾多水去開呀?同埋扣牛奶的粉量即是多少?
可以用約50g熱水去開,可減去相同份量牛奶重量。
你好!!我用魚膠粉整但係無用到熱水開!!請問佢係咪雪幾耐都唔會凝結呢??而且在整海綿蛋糕既時間,打發蛋白加糖差唔多已經半個小時,但係都沒有企身既跡象,請問何為呢?為什麼做淡忌廉的時候也打發接近15分鐘仍沒有打起??而焗海綿蛋糕時蛋糕分開一半,中間空心了又是有什麼原因呢?THANKS!!
1. 魚膠粉一定要用熱水攪溶才可用。
2. 打蛋白: 打蛋器及打蛋容器也要無油份及無水份才可用。 先把蛋白打至全泡後,才可倒入1/3份糖。打至中途再分2次倒入餘下之糖。
3. 淡忌廉一定要夠凍才易打起。
4. 大氣泡使它形成中間空洞。 可以入爐前先‘登‘個焗盤數下,使大氣泡排出。
請問點解忌廉同朱古力漿混合唔埋？忌廉浮面，所以個蛋糕雪完係兩層色。
拌入朱古力漿時要不停搞拌忌廉,才可使它完全混合。
請問你呢個係幾多寸蛋糕既份量?
7吋模
你好，我想問點解放了第一片海綿蛋糕之後，加了朱古力漿後，海綿蛋糕會升起?有什麼方法令蛋糕沉下呢?之前整有海綿蛋糕在內的蛋糕，都會有這情況，麻煩你教教我，謝謝!!
如果液體溫度過高，就會較易出現把蛋糕片升起情況。
可要把少量糖水掃上蛋糕面，增加它的重力。 而且也要注意慢慢倒在蛋糕上，不要使液體中太多泡。
原來係咁，明白了,唔該晒!我會再試試 ^^