Black sesame chiffon
之前接了一些曲奇及蛋糕柯打,所以最近每日也在焗製中渡過。今日終於有時間停一停,為自己炮製一些甜品。
戚風蛋糕最可愛之處就是可加入不同配料,今次我就加了15g黑芝麻,就焗成風味完全不同的蛋糕。
蛋糕材料 (18cm模):
蛋黃 3隻
砂糖 20g
低筋粉 80g
油 35g (坐熱)
鮮奶 60g (室溫)
蛋白 4隻
糖 40g
磨碎黑芝麻 15g
蛋糕做法:
將蛋黃加入20g 糖, 打至糖全溶。
加入鮮奶及菜油35g再打至全混合，拌入黑芝麻碎。
將麵粉過篩, 拌入蛋黃漿內,快手拌勻至不見粉粒。
蛋白加 40g 糖 打至企身。
將蛋白分3次拌入蛋黃粉漿內,快手拌勻及倒入戚風模內。
(動作要快及輕手, 否則會破壞蛋白糊的細泡, 焗後的蛋糕便不夠鬆軟)
把戚風模放在檯上”登”幾下,使大氣泡排出。
用180℃ 焗35-40分鐘。
焗熟後,即時把蛋糕倒扣,直至完全放涼,即可小心從蛋糕模取出蛋糕。
如果我用黑芝麻粉代替,是否同樣加15g?
如果是用純黑芝麻粉,份量也會是一樣。
今天試整了這個蛋糕,但麵粉還未加完,粉漿已杰到不能再拌了,是否加了黑芝麻粉15G後,要將麵粉份量減返15G呢?
我沒有把麵粉減少,但黑芝麻是真正黑芝麻磨成粉粒。 如果它加入其它雜質及粉,就不能用它做蛋糕。
我之前整左個鮮橙戚風蛋糕好成功,於是用返o個個譜然後將d料轉做黑芝麻,但其實係唔係要加返d水落去架,因為冇左橙汁,所以d粉好杰,完全做唔倒麵糊o甘既質感.
當然要啦! 可以加奶或水代替橙汁。
有野想請教你
焗完蛋糕之後我覺得佢熟晒拎出黎
但係佢好似吾係好夠乾身…仲有D濕…係乾中帶濕個隻
咁個蛋糕其實係咪未熟晒?
蛋糕焗熟後面是較乾不會濕。
請問點解你會唔減麵粉份量又可咁鬆軟?? 平時朱古力, 綠茶蛋糕都會因應減麵粉ga ma!係未仲加咗啲黑芝麻???
因為黑芝麻不會溶化在水裏,它只是包含在蛋糕中物質。 所以不減麵粉也不會有太大影響。