栗子瑞士卷 (附食譜)


Chestnut Swiss Roll

這款瑞士卷是用上朱古力蛋糕,再配上細緻幼滑栗子忌廉,味道及顏色也十分配襯。

朱古力瑞士卷材料及做法 : 請按此

栗子餡材料:
栗子茸 150g
糖 20g
奶 50g
魚膠片 5g (浸軟)
甜忌廉 150g

做法:
栗子茸、糖和奶加熱,放入魚膠片,拌至魚膠片全溶。
栗子漿降溫後,拌入已打發之忌廉內,即可抹上蛋糕上。

10 thoughts on “栗子瑞士卷 (附食譜)

  1. 我整過好多次卷蛋, 但都唔成功,卷蛋榚時, 個皮表面次次係黏住牛油紙. 我巳經將蛋榚出爐後放涼後先卷(約30金鐘), 唔知點解用手按下蛋榚會有些部份仍黏手,請問您有可否指教一下? 唔該晒.

  2. 我都整過好多次都失敗,原因係捲個時面部破開,放棄了.見到妳整得好靚都想請教, 不知道那裡出了問題?

  3. 多謝您呀. 今日買左佳能焗爐紙,係蛋榚出爐後, 噴上凍水, 然後倒扣在另一張牛油紙, 等涼後撕開牛油紙,個蛋榚皮又痴住左係牛油紙, 究竟問題係邊度呢? 唔好意思, 再請教您在蛋榚出爐後的做法是馬上倒扣落牛油紙等涼才卷? 還是從焗盤取出蛋榚體,撕開蛋榚四邊牛油紙等放涼後才卷呢? 唔該唔該…

  4. To: Bing
    應該係蛋糕太乾-下次你試下縮短焗時間,使它不會焗得太耐而變乾。

    To: crystalho
    1. 不用噴水。
    2. 如果你用表皮做瑞士卷面,就不用倒扣。只要焗後把它連焗爐紙一同放在長架上,把四邊紙撕開直至蛋糕放涼。 放涼後才把它放上另一張新焗爐紙上,再放上餡及捲起。

  5. 多謝妳回覆, 我第一次做係用 180c 15分鐘, 跟住用 190c 10分鐘, 我睇過妳個食譜都係用 200c 12分鐘, 我都試過先試卷 (Pre-roll) 一次, 卷起後由它放涼,但係個蛋糕好肉酸,邊有妳個個咁靚.

  6. 謝謝您解釋得好清楚. 等我今晚跟您方法再整過. 希望可以整得好似您咁靚.

  7. 想問1.朱古力卷蛋:係未真的50克水? (因見其他瑞士卷係20克奶)2.可否用栗子餡材料做栗子撻? 要買邊種喞嘴? 唔該晒! (btw,我整過一次卷蛋, 好核突!又實又乾!)

    1. 因為加入可可粉後,粉漿會較杰身,所以水份量也會增加。 如果做栗子撻,可以用栗子蛋糕那栗子餡做法較好。 沒有特別那款唧嘴,只是視乎你喜歡唧出那花紋。 你亦可以用牛油紙摺成漏斗形,把餡放入後即剪走小尖頂,即可唧出小幼條狀。

Leave a Reply

Your email address will not be published. Required fields are marked *