新鮮菠蘿味道又甜又香濃,而椰汁又香又滑。 把它們兩種口味加在一起,就會做出又香又美味慕絲蛋糕。
材料 (6吋模):
海綿蛋糕 2片
蛋黃 2隻
糖 20g
魚膠片 10g
椰奶 200g
淡忌廉 220g
菠蘿餡材料:
鮮菠蘿 200g
糖 30g
菠蘿餡做法:
鮮菠蘿切成細粒。
用細火把菠蘿粒和糖煮至汁收乾,放涼待用。
做法:
蛋黃和糖20g拌勻。
把椰奶加熱後,慢慢邊倒邊攪拌入蛋黃液中。
再把它倒回入煲,煮至全熱,即熄火。
放入已浸至軟身魚膠片,拌至魚膠片全溶,放涼待用。
把淡忌廉打起,即把椰奶蛋黃漿慢慢拌入,拌勻即成椰奶慕絲。
放1片海綿蛋糕入模,再放入1半菠蘿粒及椰奶慕絲。
再放入另1片海綿蛋糕,再放入餘下菠蘿粒及椰奶慕絲。
把它放入雪櫃凍至凝固,即可。
唔該想問10克魚膠片係未等於2茶匙魚膠粉? thanks
應該係約1湯匙
吾該我想問下:[用細火把菠蘿粒和糖煮至汁收乾]中間係咪無需要加水,等菠蘿自己出水呀?
還有, 我想問下呢放[1片海綿蛋糕入模,再放入1半菠蘿粒及椰奶慕絲]哥一半菠蘿粒及椰奶慕絲分開落定係一齊拌好再放上海綿蛋糕.
謝謝~
不用加水煮菠蘿,它會出水架。
我會先平均分佈菠蘿粒在海綿蛋糕上,然後才倒入慕絲。
我整咗個戚風, 部份鬆軟, 部份又濕又硬及下陷: 1.唔該想問係未海綿/戚風都唔洗舖底紙? 2.打蛋白應用慢/中/高速? 3.拌入蛋白應用打蛋棒或膠刮? 因唔敢攪太多, 所以一大舊白色, 好駭人! btw, 多休息, 早日康復!
1. 如用戚風模做戚風蛋糕,就不用舖底紙。 但用普通蛋糕模整海綿蛋糕,就要舖底紙及圍邊。
2. 我會先用慢速打至全泡沬後,加糖後再改用中速,打至企身後再改用慢速,使它的泡沬又密又細。
3. 可以先拌入1∕3蛋白時用蛋棒拌勻,再拌入其它時就用膠刮,由底翻向面拌至完全混合。 如果還有1大舊白色,即是還未拌勻,要完全拌勻才可焗。
4. 如果做海綿蛋糕,我一般會用全蛋法,即是蛋白加蛋黃一齊打,這樣會比較容易控制又不繁複。
… 多謝關心,其實隻手已經好番好多啦,只係唔想隻手濕太多水,怕對新生皮膚唔好。 哈哈,不過可能突然心癢癢,不顧後果地煮野食…。
還有, 係未可以先打蛋白? 咁就可以直接再打蛋黃, 唔洗清潔打蛋棒. Thanks!
用你那方法也可以。
但我做戚風蛋糕時是用手動打蛋棒打蛋黃,就用電動打蛋器打蛋白。 當把它們混合時就用拌蛋黃那支打蛋棒拌勻,所以也不需要即時清潔再用。
喂喂, 好期待你出blog呀, 快啲煮啲新菜色啦!
1.請問你用咩牌子椰汁呀? 2. 係未應最後才開魚膠粉水? 因即使用保鮮紙包住又座熱水, 底層都有啲凝固, 請指教!
1. 快達牌椰汁
2. 這款我是用魚膠片,因為想椰汁味濃D。 如果用魚膠粉10g就要加約40g熱水拌勻,再坐熱水至魚膠粉全溶後,即拌入熱椰汁中。