Blackforest Cake

Happy Father’s Day!!

朱古力海綿蛋糕材料 (6吋模):
蛋 2隻
糖 36g
低筋粉 35g
朱古力粉 5g
牛油 (坐溶)14g
其它材料:
朱古力磚 適量
甜忌廉及淡忌廉 適量
Jelly粉及魚膠粉加熱水,冷凍成 Jelly糖

海綿蛋糕做法:
蛋加糖打至企身。
篩入麵粉及朱古力粉,快手拌至不見粉粒。
再加入牛油溶液,輕手拌勻。
焗175c 15-20分鐘。
把蛋糕橫切分成2片餅底。
朱古力磚刨成薄小塊。
另用小量朱古力隔熱水坐溶,拌入已加熱淡忌廉,拌勻。
忌廉打起及拌入朱古力漿。
放一片蛋糕在底,抹上忌廉及平放Jelly糖。
放上另一片蛋糕,外層抹上忌廉及灑上朱古力片。
放入雪櫃冷凍即可。

30 thoughts on “黑森林蛋糕

  1. 你好! ^^
    看到你的網站上的食譜很是感動呀…你做蛋糕的力量好強, 好羨慕哦!
    我…我呢, 剛學做蛋糕, 不過, 有好多都做得不好的地方…
    可以向你請教一下嗎?
    我想做一個不用蛋糕乳化劑才做很”發”的海綿蛋糕…之前試過用全蛋法, 失敗了…又用過分開蛋白和蛋黃的方法做紙杯蛋糕..又失敗了…(可能蛋不是室溫吧..)最後我用到蛋糕乳化劑去做, 但不知道為甚麼會面和底都大大的, 但放涼後反而是中間”縮”了回去(不是面的中間下陷), 做成了一個S身型的蛋糕…嗚…嗚…在打發鮮忌廉時, 第一次打過度, 變成”炒蛋”狀…第二次又打得不夠”杰”..(因為怕好像第一次咁)…嗚…我應該怎辦好呢? 難不成我是個蛋糕白痴…嗚…
    不好意思, 讓你見笑了…
    見到你其中一個蛋糕食譜(美x的魔鬼蛋糕)好吸引, 又想動手學學…但好怕又失敗了, 浪費食材! ^^

    1. 要做一個成功海綿蛋糕,初學者最好用全蛋法打。 通常最大問題,也是蛋和糖打得未夠膨脹。 另外最大問題,是加粉後太大力拌勻,使泡沬消泡。 通常做多幾次就越做越好架啦!

  2. 謝謝你! 我會繼續嘗試的!
    我會常來請教和觀看(因你做得太好了!)
    也謝謝你分享出食譜讓我可以獲益良多! ^^

  3. hello, 今天又試了做海綿蛋糕(皆因它是所有蛋糕的基本)…
    又失敗了..
    今次沒有使用乳化劑, 正在學習中嘛! ^^
    ~~我想, 我的問題是你所說的蛋和糖打得不夠膨脹吧! …嘿嘿…其實是否要打到好像忌廉或蛋白霜咁, 可以在上面寫字才可以加麵粉?? 因為今天打又好耐了(也有隔水加温呀), 見佢都有點像稠(像槳糊)就加入麵粉再用中速打發…是否就是這個問題? 在最後要入爐前, 我覺得打出來的麵槳, 與我上次加了乳化劑時差很多(不稠, 相對地來說稀了很多), 其實, 是否應該是一樣的稠程度才算ok? 不好意思, 又來麻煩你!

    1. 係呀! 要打到可以在上面寫字,才可倒入已篩麵粉及轉用手動攪蛋器把它輕手拌勻。 再倒入油後即轉用刮棍,把沉底油份慢慢混入槳中。 如果加入麵粉後也用電動器打,所有泡沬也消失,焗後個蛋糕會好實。

  4. 我估小輪如果在加了麵粉後改用手提攪拌器打, 應該成功率會大大提高, 不過我只係知少少扮代表, 還需待譠主賜教!

  5. 我初初都係吾明白蛋要打到咩程度先叫可以, 我响網上見到有VIDEO教人, 看了便明白, 小輪妳都可以去睇睇, 明白後再試迪比食譜咁就好容易架啦.

  6. 大家好! 跟大家報告一下, 我今天也在挑戰! 是可可口味的海綿蛋糕!
    雖然還是升得沒有理想的高, 鬆軟程度也還是差了一點(只升到高個個模少少又陷回去, 但陷了少了, 內裏也比較鬆軟, 咬下去有粒粒的蛋糕屑掉下來), 已經有點像上一次加了sp乳化劑時的樣子…很高興! 總算像個海綿蛋糕, 食材也不會像之前咁, 比我浪費了! 謝謝各位的指導! ^^
    我會慢慢再試的, 試到像大家咁, 不會有陷下去時就算成品了!!!
    (p.s. 由於陷回去後, 若要切出三等份好像很難!)
    (很想post相片給大家看….讓大家評評分…但這兒好像沒得upload ><)

  7. 我想問呢`你講果個面粉即係?
    篩入麵粉及朱古力粉,快手拌至不見粉粒。
    係面粉定係低筋粉!?

  8. 另用小量朱古力隔熱水坐溶,拌入已加熱淡忌廉,拌勻。
    忌廉打起及拌入朱古力漿。
    這個程序有些不明,把甜忌廉打起再打入淡忌廉中﹖

  9. 十分多謝你的回覆,我會試下。
    我是個業餘旦糕迷,無上過堂,通常在網上找食譜。看見你的網站很感動,找到明燈指引,又簡單又無化學膨脹劑。
    十分期待你更多新作

  10. 失敗咗兩次, 都唁知錯d咩 @_@
    一d 都唔鬆…無膨脹咁 @_@
    2隻蛋同36g糖, 打極都好似好”hey”,
    點算……….

  11. 同埋﹐ 我想又問..甜忌廉既英文會唔會係heavy cream?
    我之前打過HEAVY CREAM。但可能打得勁得制..就變左WHIPPED CREAM 咁…
    其實係應該打到咩程度﹖

    同埋﹐ 整海棉蛋糕既時候﹐ 落蛋糕膜果陣..使唔使擺牛油紙﹖
    我D牛油紙係好似保鮮紙咁既。咁係未需要剪到個膜既形狀﹖

    1. 可以用坐熱水或微波爐把忌廉加熱。 一般是有燙熱感覺,但又不用滾起。
      其實也可全用淡忌廉,但因為它較軟身加朱古力碎上面時,可能會較難控制。

  12. 拌入已加熱淡忌廉既淡忌廉份量係幾多?仲有,甜忌廉係咪=甜奶油,好似你以上講係用黎裝飾,可以即食,唔一定要打發?

  13. 你好..我今天第一次整蛋糕..我在蛋+糖的攪拌中..為何不能變糊..而是起泡沫和像忌廉一樣..

  14. 樓主你好~
    我想問其他材料:甜忌廉及淡忌廉的份量大概應為多少? 而Jelly糖用為什麼味道較佳??
    十萬火急,跪求賜教!!

Leave a Reply

Your email address will not be published. Required fields are marked *