朱古力杏仁曲奇 (附食譜)
chocolate almond cookie
還有20日就到聖誕,大家準備好聖誕禮物未呢! 如果還未有主意,可以試試自家製曲奇。 自家製曲奇餅是聖誕禮物或party 小食的首選。
材料:
牛油(室溫) 100g
低筋粉 130g
糖 60g
蛋 1/2隻
朱古力粉 15g
杏仁片/條 50g
做法:
將牛油和糖打至滑身。
分次拌入蛋至全混合。
篩入麵粉及朱古力粉,拌至不見粉粒。
再拌入杏仁片/條。
把麵糰用保鮮紙密封及放入冰箱1小時。
用刀把它切成薄片。
用170c焗15分鐘。
好似好好食咁=)
我想問下呢個同mocha cookies 可以整到幾多塊??
因為我之後想試下整呢2款,
thxxxxxxxxx
這款我做了大概20塊左右,但幾多塊要視乎你整的曲奇size已定。
mocha cookies 因為比較大塊..約15塊。
請問未放入雪櫃之前,用什麼器皿把麵糰定型為方型?
把它用保鮮紙包好後,就可用手把它搓成所以形狀。
我想問下隻蛋要先打好再加入嗎?
直接加入就可以。
請問係放入冰箱定雪櫃? 會雪到好硬??
放入冰箱雪硬後,才可切出薄及完整片狀。 但如果沒有鋒利平腳刀,也可放入雪櫃冷凍數小時,使它較為凍實才切。
我想問呢隻cookie雪凍後..可否用公仔模壓花??
可以,但係有杏仁在曲奇餅內,可能公仔圖案會不清楚。
請問半隻蛋怎樣直接加入牛油及糖內？蛋黃要先分開嗎？
先把蛋打散後,才一邊攪牛油一邊加入蛋,使它完全拌勻。
謝謝你的回覆！
請問它的質感是稔的還是脆的？因為曲奇焗好之後那天便變稔了><
是脆的。 但焗好後把它完全散熱後,才可放入密封盒。
如果我唔落杏仁,就咁朱古力cookie,材料會一樣嗎?
YES!
請問如果我想整左之後可否放於冰箱內，等待想食時才去焗?
可以
將牛油和糖打至滑身 –> 係咪要用打蛋器打好耐? 如果用手搞得唔得呢?
請問如果轉用綠茶粉做曲奇…份量是否一樣? 此外是否同樣要入冰箱雪一小時才焗?
1.應該可以, 但要視乎綠茶粉的濃度作調校.
2.要放入冰箱雪一小時或以上,才可切出完整塊狀
1. 把牛油放在室溫待至軟身
2. 可用手搞, 但用電動打蛋器較容易做好
我想問..全部材料溶合晒之後 係咪會變到一舊唔硬又唔水既野=.=?
同埋用包鮮紙包住整到佢一舊野咁切得唔得= =焗洗唔洗用牛油紙打底
用保鮮紙包好要雪硬才可切成片狀。
用牛油紙打底比較好。
點解我焗完之後,好似好脆好粉甘,仲要一拎起就碎晒果種..?
同埋d牛油味好勁呀..但我係跟足份量100g
我想問…點解我焗左出黎..會好碎好脆甘..唔夠硬
而且d牛油味好勁..但我跟足份量做
如果喜歡硬身些曲奇,可以加入多些麵粉及切厚少少。